A nosa compañeira do Equipo Erasmus+ e profesora de clarinete do CMUS, Virginia Lis, visita o “Conservatorio di Musica E.F. dall’ Abaco”, en Verona (Italia), para poñer en marcha as 3 mobilidades de profesorado que terán lugar o próximo mes de marzo de 2023.
Alí, a coordinadora de Relacións Internacionais do centro de acollida, Dna. Sara Albertini, recebeu á nosa colega cos brazos abertos e unha grande ilusión por axudarnos no noso proxecto. Durante os tres días da visita, xunto coa súa compañeira Dna. Luisa Lavagnoli, déronnos a oportunidade de coñecer as instalacións do centro, aas especialidades impartidas, así como os horarios da actividade docente do centro, para comezar a definir as actividades de Job-Shadowing que levarán a cabo os tres docentes que visitarán este conservatorio italiano o próximo mes de marzo: Ramón Cabezas, Berta Fresco e Gloria Rodríguez.
Ademáis, o director do centro, D. Federico Zandonà, reuniuse coa nosa compañeira para decidir que actividades docentes e artísticas se axustarían mellor aos perfís do profesorado visitante. Por outra parte, Virginia Lis tivo a oportunidad de visitar os símbolos máis representativos da cidade de Romeo y Julieta, así como actividades culturais de interese tais como o “Concerto di Natale dell’Accademia Filarmónica di Verona”.
O Equipo Erasmus quere aproveitar dende aquí para agradecer a todo o persoal do Conservatorio E. F. Dall’ Abaco de Verona a súa hospitalidade e simpatía durante a visita, así como a súa eficiencia no traballo desenvolvido antes, durante e despois da visita. Grazie mille, Sara, Luisa e Federico!!
Deixa unha resposta