O 9 de maio de 2022 o Conservatorio celebrará o Día de Europa con diferentes actividades.
O Conservatorio Profesional de Vigo únese por primeira vez ás celebracións deste día e faino con diferentes actividades. Dunha banda, vaise celebrar a primeira edición do Concerto do Día de Europa. Terá lugar no Auditorio “David Russell” ás 17.30h e será retransmitido en vivo a través da canle de Youtube do centro. Máis de 20 estudantes de trombón, piano, clarinete ou acordeón, entre outras especialidades instrumentais, van dar vida ás partituras de diferentes compositores europeos. Non cho perdas! Preme sobre a seguinte imaxe para acceder ao concerto:
Doutra banda, o Equipo Erasmus+ difundirá un vídeo elaborado expresamente para esta xornada, que versa sobre a orixe desta festividade, os valores do Programa Erasmus+ e no que tamén compartiranse as novidades do noso procexto Erasmus+ KA102 “Música Sen Fronteiras”: as mobilidades recentemente levadas a cabo e os principais resultados alcanzados grazas a el. Ademais de compartilo no noso Blog, a canle de Youtube do Conservatorio e as redes sociais, poderá verse ao longo de toda a tarde do día 9 de maio no hall do CMUS.
Deixa unha resposta