Erasmus Days no Conservatorio Profesional de Música de Vigo do 13 ao 18 de Outubro!

Co gallo da celebración dos Erasmus Days, o CMUS Profesional de Vigo encherase de ambiente europeo con uhna decoración temática que reflectirá os valores de intercambio, diversidade e cooperación cultural do programa Erasmus+. 

Na semana do 13 ao 18 de Outubro, celebraremos no CMUS Profesional de Vigo unha nova edición dos Erasmus Days. Entre outras actividades, poderemos disfrutar e compartir as experiencias sobre o pasado proxecto con proxeccións das testemuñas do alumnado participante na mobilidade a Kokkola (Finlandia).

Haberá ademáis charlas informativas con contidos centrados en dar a coñecer as oportunidades que ofrece o programa Erasmus+ e motivar a súa participación na presente edición. Para isto, celebrarase unha mesa redonda cos participantes do curso pasado. Ademáis, desvelaremos os destinos e características das mobilidades do presente proxecto que está a piques de despegar!

A charla para o profesorado terá lugar o mércores 15 ás 12:00 no Auditorio David Russell.

Por último, pero non menos importante, a charla para o alumnado será o xoves 16 ás 18:00, tamén no Auditorio David Russell.

Participa nos Erasmus Days, unha semana de actividades abertas, dinámicas e participativas que reforzan a noso compromiso coa educación internacional e o espíritu europeo.

Non os podedes perder: Serán días para celebrar, aprender e sentirnos máis europeos ca nunca! 

Vídeo promocional ErasmusDays 2025.

Vídeo Entrevista alumnado que participou na mobilidade a Kokkola 2024-2025.