Virginia Lis, membro do equipo Erasmus+ do Cmus Profesional de Vigo, visita o Conservatorio de Ostrobotnia Central en Kokkola (Finlandia), para preparar a mobilidade para o alumnado do noso centro.

Os día 4 e 5 de decembro, Virginia visitou o Conservatorio de Ostrobotnia Central, na cidade de Kokkola (chamada Karleby en Finés), situada na Finlandia Occidental, na rexión de Ostrobotnia Central, coa finalidade de preparar a mobilidade que a finais do mes de marzo, fará o alumnado seleccionado do centro.

Entre outros membros do centro académico, reuniuse co Coordinador de Erasmus, Juhani Koivisto e outros membros do claustro. Entre as actividades levadas a cabo, acudiu a clases de clarinete, ao Concerto de Nadal do propio conservatorio e estivo planificando opcións de aloxamento para o alumnado, así como actividades culturais de diversa índole, para facer a estadía do alumnado máis completa e enriquecedora.

Virginia quedou encantada coa cálida acollida por parte do persoal do conservatorio finés e estamos convencidas de que o noso alumnado disfrutará dunha grande experiencia nesta mobilidade.

Velaí algunhas fotos da experiencia de Virginia!

nome de kokkola en Finlandés
Kokkola desde o interior das aulas
Kristine Penttinen (Vicedirectora), Virginia Lis e Juhani Koivisto (Coordinador E+)
Visitando Sunti
Central Ostrobotnia Conservatorio
Aulas do Conservatorio
En Kokkola
Sunti, zona de almacenamento de madeira onde os mariñeiros gardaban os botes
Instrumentos tradicionais típicos de Finlandia: harmonium, nickelharpa, acordeón e Kantele.
Visitando Kokkola